求驗客手記：驚爆雜食 10囡囡　里奧組情婦足球隊

[img]http://hk.apple.nextmedia.com//images/apple-photos/apple/20110708/large/AA04_01_c.jpg[/img]
[size=8pt]計埋里奧個老婆莉碧嘉（左），佢隊「床魔」啱啱好有 11個球員。[/size]

里奧費迪南同傑斯有乜共通點？除咗大家都係 70後兼且一齊效力曼聯之外，仲有就係大家都係賤男。但里奧有一樣嘢勁過傑斯，就係佢雜食好多，俾佢滾過嘅囡囡，由脫衣舞女郎到室內設計師，真係乜嘢行業都有。唔好聽講句，加埋正印老婆，真係夠人組成一支 11人足球隊。至於里奧隊波叫乜名好，我求大俠就建議叫做「床魔」（ Bed Devil），襯晒佢紅魔（ Red Devil）嘅身份。

[img]http://hk.apple.nextmedia.com/images/apple-photos/apple/20110708/large/AA04_01_a.gif[/img]

[img]http://hk.apple.nextmedia.com/images/apple-photos/apple/20110708/large/AA04_01_b.gif[/img]

[size=20pt][b]11年前已衰過雜交[/size][/b]
現年 32歲、已婚同有 3個小朋友嘅里奧，日前入稟法院告英國《星期日鏡報》侵犯佢私隱，點知就弄巧反拙，俾辯方挖晒佢啲臭史出嚟。辯方喺庭上咁話：「里奧長時間誤導公眾。佢搞到自己同家人咁，絕對係佢自己嘅責任。而佢嘅行為，簡直係鹵莽同埋自毀。」里奧喺後生嘅時候衰過，記得喺 00年夏天，里奧約埋活基治同林柏特去塞浦路斯度假兼𠝹女，而且仲賤到玩雜交；單嘢俾英國傳媒揚咗出嚟後，佢話過會痛改前非，唔會再行差踏錯，果然之後嗰十幾年再冇性醜聞。
里奧嘅好好先生形象，原來同傑斯一樣都係假嘅，咁多年嚟佢一直有玩女人，只係佢保密功夫做得好，但所謂天網恢恢疏而不漏，最終竟然衰喺自己手裏。

[size=20pt][b]搞大維珍空姐個肚[/size][/b]
我求大俠一睇里奧隊「床魔」嘅陣容，即時Ｏ嘴，估唔到佢食得咁雜，要乜有乜。辯方暫時披露咗 10條女，當中絕大部份係模特兒，有正經同唔正經（無上裝），正經嗰 3個全屬外國貨，來自巴西同埋以色列，睇嚟佢真係幾識食。除咗模特兒，同佢有路嘅女人，仲包括脫衣舞女郎、女明星仔、空姐同室內設計師，而嗰個叫艾歌嘅維珍空姐仲話俾里奧搞大咗，最後對方畀 7,500鎊（約 93,000港元）佢去墮胎。
傑斯單背妻偷食兼勾弟婦事件，已經搞到曼聯領隊費格遜好唔高興，家陣里奧又整單咁大鑊嘅佢老人家嘆，而且仲要喺新球季就嚟展開，如果曼聯因為咁最終衞冕失敗，歐聯又攞唔到好成績，[節錄...]

來源:蘋果日報網站